|
 |
Спорт / Фудбал
|
|
Тевез во Сити од понеделник
 Аргентинскиот репрезентативец во текот на викендот треба да ги финализира условите, а најдоцна во понеделник официјално да стане член на Манчестер Сити, градскиот ривал на клубот каде настапуваше во последните две сезони. Алекс Фергусон имаше можност и пари да го задржи искусниот напаѓач во своите редови и за следните 12 месеци, но не ја искористи шансата по заминувањето на Кристијано Роналдо. Сопственикот на договорот со Тевез, Киа Џорапчиан веќе се договорил со раководството на Сити и за својот досегашен клиент ќе заработи 25 милиони фунти, што е нешто помала сума од она што го бараше од Јунајтед. Карлос Тевез ќе игра за неделна плата од 120 илјади фунти, а со неговото доаѓање сумата потрошена од Марк Хјуз за нови фудбалери во Манчестер Сити ќе надмине 200 милиони фунти.
"Го очекуваме Карлос на почетокот од идната недела. Со неговото доаѓање значително ќе се засили нашиот напад и мислам дека ќе можеме да атакуваме на позиција која води во Лигата на шампионите. Од друга страна, ќе можеме до крајот на преодниот рок да се насочиме на носење фудбалери од одбраната", рече Хјуз.
Сити во новата сезона ќе има пеколна напаѓачка "тројка" составена од Јужноамериканци. Покрај Тевез, тука се уште Бразилецот Робињо и Парагваецот Роке Санта Круз, а зад нив ќе бидат Стивен Ајрленд и Шон Рајт-Филипс, кои исто така можат да играат офанзивно. Уште една голема желба на Хјуз, но и на раководството на Сити е ангажманот на Самуел Ето, но англиските познавачи на фудбалот прогнозираат дека во таков случај може да дојде до незадоволство кај одредени фудбалери бидејќи сигурно не ќе може сите да играат во стартниот состав. Досега во летниот преоден рок Сити се засили со Санта Круз од Блекбурн и Герет Бери од Астон Вила.
Интересен факт за Карлос Тевез е што тој е една од ѕвездите на Манчестер Јунајтед, а во следната сезона во градскиот ривал ќе игра под водство на уште еден поранешен познат играч на "Црвените ѓаволи", Марк Хјуз.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|