Репрезентативецот на Англија и играч на Њукасл, Мајкл Овен, е пред трансфер во Манчестер Јунајтед.

Претставниците на двата клуба денеска треба да ги финализираат деталите околу преселбата на Овен, јавува Скај Спортс Њуз. Англискиот репрезентативец се очекува да се приклучи во составот на „црвените ѓаволи“ по завршувањето на лекарските прегледи.

Последната сезона во дресот на Њукасл, Овен немаше некој забележителен учинок, а тоа се должи на честите повреди. Но, и покрај тоа менаџерот на англискиот шампион Алекс Фергусон во Овен гледа играч со кој би се пополнило местото во нападот по заминувањето на Кристијано Роналдо и Карлос Тевез.