"Европското првенство и градот Охрид ќе постават нови стандарди кога станува збор за ваквите натпреварувања. Најавени се високи гости од европската кошарка, меѓу кои и генералниот секретар на Фиба-Европа, г. Нар Занолин, кој ќе го затвори првенството. Во секој случај, не очекува интересен настан кој се надевам ќе побуди голем интерес не само кај охриѓани туку и кај целата наша кошаркарска и спортска јавност" - вели генералниот секретар на КФМ, Дејан Леќиќ .
Соорганизаторот на ова првенството, ЈП "Билјани извори", им посака многу среќа на сите 11 репрезентации кои ќе се појават на овој собир.
|
И покрај неикуството подготвени за нови предизвици | |
" Им посакуваме многу успех на кошаркарките и се надевам дека ова ЕП ќе остане препознатливо по добрата организација и одличната посетеност. Една од основните референци е посетеноста на салата, а јас се надевам дека во овие десет дена ќе биде добро посетена и ќе му даде посебен шмек на шампионатот за во иднина да добиеме едно поголемо натпреварување", рече директорот на ЈП "Билјанини извори".
Македонската селекцијата е најмладата на првенството, а како што вели селекторот Алекандар Петровиќ се работи за доста талентирана селекција каква долго време не се појавила на кошаркарската сцена. Младоста и неискуството се најголемата пречка за овие младинки. Дополнителен проблем за селекторот е и краткиот период на подготовки во кој кошаркарките не одиграа ниту еден контролен натпревар.
"Без разлика на се, ние ќе дадеме се од себе да се прикажеме во најдобро можно издание" - истакна Петровиќ.
Петровиќ се надева дека ќе успее да наметне препознатлив стил на игра со многу трчање, со брза трансформација од напад во одбрана, моментите кои, како што напомена, ги увиделе при последниот настап на девојките минатата година.
Со оглед на младоста и неискуството на нашата екипа пласманот меѓу осумте би се сметал за успех. Од таборот на селекцијата очекуваат огромна поддршка од гледалиштето, кое би ги понело девојките кон подобри резултати.
" Ние како федерација не гледаме на оваа селекција за една година, туку оваа селекција ќе игра уште две три години и ние од година во година ќе се обидуваме да им обезбедуваме што е можно подобри услови" - истакна "ген-сек"-от Дејан Лекиќ.
Од КФМ очекуваат солидна посета и поддршка на првенството. КФМ ќе ги анимира охриѓани и охридската публика со организирање наградни игри, како и доделување на топки, маички, како и разни кошаркарски реквизити на посетителите во салата.