Ниту една жена не може да поседува премногу чевли со висока потпетица. Дури и кога ќе си речете дека повеќе нема да ги купувате, некој пар сигурно ќе го привлече вашето внимание.
Сепак, треба да знаете како да ја изберете вистинската потпетица бидејќи постојат различни варијации кои даваат различни ефекти.
Ако имате заоблена фигура најдобро ќе ви прилегаат високи потпетици кои ќе ја ублажат вашата силуета. Освен тоа ќе ви надодат висина, која ќе ја издолжи вашата линија и визуелно ќе ги намали вашите килограми.
Доколку сте ниски, односно имате ситна физичка конституција, стилистите препорачуваат да носите чевли со полна пета или пак доколку се определите за висока потпетица тоа да не биде премногу впечатлив модел.
Високите жени во суштина немаат причина да носат потпетици, но која не можат да одолеат нека се определат за потпетици во висина до шест сантиметри.
Вежбањето го прави мајсторот, што не е исклучок и за носењето на потпетиците. Ако не се чувствувате стабилно на висока потпетица, прво вежбајте на помала и подебела пета, а дури потоа променете ја висината.
Освен тоа никогаш не заборавајте да го прилагодите одењето на потпетицата, бидејќи целата на високите потпетици е да изгледате моќно и елегантно, а не да чекорите забрзано и нестабилно.