Екипата на Интер, за која настапува македонскиот репрезентативец Горан Пандев, успеа да стигне до 18-тата титула во клупската историја откако попладнево во последното коло од Италијанското фудбалско првенство на гостувањето ја победи Сиена со 1:0.
Стрелец на победоносниот гол беше Диего Милито во 57-та минута, а три минути пред тоа Пандев влезе во игра место Мота. Ова за Интер е петта титула по ред. Во исто време конкурентот за титулата Рома го победи Киево со 2:0 на гости.
На другите натпревари од последното коло беа постигнати следниве резултати: Аталанта – Палермо 1:2, Бари – Фиорентина 2:0, Каљари – Болоња 1:1, Катанија – Џенова 1:0, Парма – Ливорно 4:1, Сампдорија – Наполи 1:0. Вчера Милан – Јувентус 3:0 и Лацио – Удинезе 3:1.
Табела: Интер 82 бода, Рома 80, Милан 70, Сампдорија 67, Палермо 65, Наполи 59, Јувентус 55,...
Во Лигата на шампионите во групната фаза Италија ќе ја претставуваат: Интер, Рома и Милан, додека Сампдорија ќе игра во баражот. Палермо и Наполи ќе играат во баражот од лигата на Европа, а Јувентус ќе игра во 3.квалификациско коло од Лигата на Европа. Лигата ја напуштаат: Аталанта, Сиена и Ливорно.