Играчот од средниот ред на Шпанската фудбалска репрезентација се
осврна на коментарите на Мурињо дека тој не ја заслужува "Златната топка". Андрес Иниеста еден од најдобрите играчи од средниот ред на денешницата , се огласи на изјавите на Жозе Мурињо во врска со неговата кандидатура за "Златната топка" на ФИФА и изјави дека тоа не е работа на тренерот на Реал Мадрид.
Мурињо нешто порано изјави дека оваа награда треба да му припадне на играчот на Интер, Весли Шнајдер и дека дека Иниеста не е играч од калибарот на Холанѓанецот иако одиграл едно добро Светско првенство во Јужна Африка. Јунакот на финалниот меч на ова натпреварување изјави дека не е важно мислењето на само еден човек: "Јасно е дека ова е само уште едно мислење во низа. Едно е сигурно кога тој би ја доделувал наградата, јас не би бил тој кој ќе ја освои " изјави Шпанецот.