Фудбалската репрезентација на Македонија ќе ја има улогата на фаворит на вечерашниот натпревар против Андора кој се игра во рамките на групата „Б“ од квалификациите за Европското првенство 2012.
И покрај тоа што се соочува со повредени играчи и нарушена атмосфера во репрезентацијата по случувањата со капитенот Горан Пандев, селекторот Мирсад Јонуз најави сигурна победа и освојување на три бода од дуелот со последнопласираната селекција од групата.
Почетокот на натпреварот во Ла Вела е закажан за во 19 часот.
Освен Андора - Македонија во денешната програма од оваа група уште играат: Република Ирска - Русија и Ерменија - Словачка.
По две одиграни кола водат Република Ирска и Словачка со по 6 освоени бодови, Русија има 3, следуваат Ерменија и Македонија со по 1 бод, а последна е Андора без бодови.