Последната повреда на Вејн Руни е дело на Пол Сколс, информираат медиумите во Англија. Напаѓачот на Манчестер Јунајтед не се најде во групата фудбалери за натпреварот со Бурсаспор, а како причината е наведена новата повреда на глуждот.
Руни вчера бил изнесен на носилка по последниот тренинг на својата екипа пред денешниот дуел на "Олд Трафорд" против Бурсаспор. Инцидентот се случил само неколку часа пред Сер Алекс Фергусон јавно да објави дека англискиот репрезентативец сака да го напушти Јунајтед.
По прес-конференцијата на шкотскиот стратег, весникот "Тајмс" информираше дека Руни бил забележан како се движи со патерици. Напаѓачот им открил на новинарите дека бил повреден по еден груб старт на Пол Сколс на тренингот пред мечот.