Нарушените односни на релација Вејн Руни - Алекс Фергусон секојдневно земаат се поголем интензитет. Последниве денови медиумите на Островот се преокупирани со случувањата во клупските простории на Манчестер Јунајтед околу ѕвездата Вејн Руни. Управата на "Црвените ѓаволи" се обидува да најде заеднички јазик со својот играч и да го задржи во своите редови и во иднина со тоа што ќе се обиде да му понуди нов богат договор, меѓутоа засега англискиот репрезентативец упорно одбива да ја продолжи соработката и е цврсто решен да ја смени средината. Откако Ферги призна дека Руни побарал да си замине ова лето тргна да бара алтернативно решение, а одлуката падна на голгетерот на Ајакс Луис Суарез. 23-годишниот Уругваец неколку години е цел на големите европски клубови меѓутоа се уште никој сериозно не загризал по неговиот потпис. Очигледно на Јунајтед не му преостанува друг избор освен на лето да го одврзе ќесето и да искешира сериозна сума за да го донесе на Олд Трафорд.
Минатото лето неговата цена се движеше околу 25 милиони евра, меѓутоа откако постигна 49 гола на 48 натпревари за Ајакс, па следеа одлучните настапи на Светското првенство со што неговата цена е драстично порасна и достигнува над 35 милиони.
Јунајтед бара минимум 40 милиони за Руни, а токму тие пари ќе ги искористи за ангажман на одличниот Суарез.