Холандскиот репрезентативец и играч на Интер Весли Снајдер според досегашните прогнози беше еден од фаворитите за овогодишната Златна топка, меѓутоа тиражниот италијански весник Газета дело Спорт открива дека тој не се наоѓа ни меѓу првите тројца кандидати за престижната награда на ФИФА. Снајдер со право се вбројуваше меѓу победниците поради трите трофеи со Интер и финале на СП со Холандија.
Газета од извори блиски до ФИФА дознава дека Снајдер не се наоѓа во потесниот круг на кандидати. Според нивните информации првите три места ги држат фудбалери на Барселона аргентинскиот "волшебник" и минатогодишен освојувач на титулата Лионел Меси како и двајцата шпански репрезентативци Андрес Иниеста и Чави Хернандез. Токму Иниеста е посочен како победник поради успехот со репрезентацијата на Мундијалот во Јужна Африка.