Како и што беше најавено тимот на Барселона постигна договор по кој од следната сезона по прв пат во својата клупска историја ќе носат реклами на своите дресови. Катарска фондација ќе плати 33 милиони евра годишно во следните пет сезони, за каталонскиот клуб да ја носи нивната реклама.
Најголем износ досега му беше платено на Манчестер Јунајтед за спонзорство на компанијата АОН во износ од 23,6 милиони евра годишно. Логото на УНИЦЕФ и понатаму ќе остане на дресовите на Барселона, а местото сега заедно со нив ќе го дели и Катарска фондација.
Пеп Гвардиола две сезони играше во Катар, тој ја подржа и успешната кандидатура на оваа земја за организација на Светското првенство во 2022-рата година, а се чини играл и голема улога во потпишувањето на новиот спонзорски договор.