Напаѓачот на Атлетико Мадрид, Кун Агуеро во новата сезона, најверојатно, ќе ги брани боите на екипата на Јувентус. Иако сè уште ништо не е договорено, сепак, италијанските медиуми на големо зборуваат за тоа дека Агуеро е пред договор со тимот од Торино и прашање е на време кога двете екипи ќе се договорат за трансферот.
Според медиумите во Италија, раководството на Јувентус имало состанок со Агуеро и тој дал согласност да се пресели во Торино. Иако и Реал Мадрид е меѓу кандидатите, сепак, Јувентус во моментов е во подобра позиција, па останува да се прецизираат сите детали и да се постигне посакуваниот договор.
Сите информации околу трансферот би требало да бидат познати во текот на следните две недели бидејќи толку е голем просторот кој му е оставен на Агуеро за да се одлучи што ќе прави во текот на следната сезона.
Цената за Обгона е 20 милиони евра
Доколку Јуве сака да го ангажира фудбалерот на Торино, Ангело Обгона ќе мора да плати 20 милиони евра. Ова е цената која вториот по квалитет состав од Торино ја бара за еден од најдобрите фудбалери во тимот. Во моментов никој нема намера за да направи отстапка од оваа сума.