Барселона, 5 декември 2011 (МИА) - Во големото шпанско дерби „Ел Класико“ меѓу Барселона и Реал Мадрид, кое се игра во сабота, според прогнозата на октоподот Меси, кој живее во аквариум во одморалиштето Баналмаден во јужниот дел на Шпанија, подобри ќе бидат фудбалерите на Барселона.
Октоподот, наречен по фудбалерот на Барселона Лионел Меси, денеска од два сада со сардини, на кои се наоѓаа амблемите на двата клуба, се одлучи да јаде од тој со знакот на тимот од Каталонија.
Меси е вториот октопод кој на овој начин „предвидува“ резултати од фудбалски натпревари. Првиот, и многу попознат, беше Пол од германскиот град Оберхаузен, кој угина на 26 октомври минатата година.
Пол ги погоди резултатите од сите натпревари кои фудбалската репрезентација на Германија ги одигра на Светското првенство во Јужна Африка.
Натпреварот Реал Мадрид - Барселона, се игра во сабота од 22 часот на стадионот „Сантијаго Бернабе“ во Мадрид. Реал има три поени повеќе и натпревар помалку од Барселона.