Целиот свет вечерва со нетрпение го очекува дуелот на фудбалските великани Реал Мадрид и Барселона со почеток од 22 часот на „Сантијаго Бернабеу“
Овие два клуба по 163-ти ќе ги одмерат силите, а вечерашниот дуел ќе биде во центарот на светската јавност затоа што по овој меч многу работи ќе бидат јасни околу тоа кој ќе биде шампионот во Примера.
Реал Мадрид пред вечерашниот натпревар има три бода повеќе и натпревар помалку. Интересно е тоа што каталонците не се поразени во последните шест дерби натпревари.
Се очекува Тв преносот да го следат преку 500 милиони луѓе во 50 земји во светот. Шпанските медиуми пренесуваат дека еуфоријата во Мадрид е огромна и дека цената на влезниците денеска достигнала рекордна вредмост и до 7000 евра.
Се очекува двајцата тренери Мурињо и Гвардиола за вечерашниот „Ел Класико“ да излезат во најсилен состав, а најверојатните состави би можеле да бидат:
РЕАЛ МАДРИД: Касиљас - Диара, Пепе, Рамос, Марсело - Кедира, Алонсо, Езил - Ди Марија, Бензема, Кристијано Роналдо.
БАРСЕЛОНА: Валдес - Алвеш, Пујол, Пике, Абидал - Бускетс, Чави, Иниеста - Фабрегас, Меси - Санчез.