Најдобриот фудбалер во последните три години Лионел Меси сосема очекувано е и прв на листата на најбогати во светот меѓу фудбалерите. Сепак, во конкуренција на сите спортови тој се наоѓа на дури седмото место, а пред него се наоѓаат Тајгер Вудс (голф), Фил Микелсон (голф), Роже Федерер (тенис), Мани Пакиао (бокс), Фернандо Алонсо (формула 1) и Леброн Џејмс (кошарка).
Веднаш зад Меси на оваа листа се наоѓа Кристијано Роналдо, кој според податоците има пет милиони долари помалку.
Меѓу најбогатите 30 спортисти во светот се наоѓаат уште четири фудбалери. Вејн Руни е дури на 18. место на таа листа, а на 21. позиција е Кака. Дејвид Бекам, кој обично котираше во Топ 10, сега е на 23. место, додека две места подолу е Роналдињо.
Во сумите коишто се пренесуваат се вклучени годишните плати на фудбалерите, но и бонусите кои ги добиваат за оствареното во годината како и парите кои ги земаат од рекламите.
ТОП 6
1. Лионел Меси 43,8 мил. долари
2. Кристијано Роналдо 38,8
3. Вејн Руни 29,2
4. Кака 27,3
5. Дејвид Бекам 26,8
6. Роналдињо 25,8