Екипите на Реал Мадрид, Баерн Минхен и Челзи со едната нога практично се во полуфиналето од Лигата на шампионите и потребно е само добро да ја одработат задачата на реваншот за да се пласираат во следната рунда. Сите овие екипи победија како гости, а имаат различна предност и веројатно ќе им биде потребно пред својата публика да одиграат на потребното ниво за да успеат да стигнат до полуфиналето.
Затоа, пак, неизвесноста ќе продолжи во Барселона каде на Ноу Камп се очекува домаќинот да напаѓа за да стигне до место понатаму. Причината за тоа е во фактот што 0:0 не им гарантира никаква сигурност на Каталонците. Милан со гол во гости ќе си го добие и ремито во своја корист бидејќи голот ќе вреди како два. Оттаму домаќинот ќе мора да победи пред својата публика.
Според сите очекувања Милан и Барселона ја сочинуваа најинтересната двојка во четвртфиналето, а тие ќе бидат во прв план и на реваншот. Сигурно ќе понудат многу интересен фудбал, а историјата вели дека секогаш кога Барселона играла 0:0 на првиот меч од елиминациите успевала на реваншот да го надигра противникот и да се пласира понатаму. Ќе биде ли така и сега останува да покаже реваншот кој е закажан за вторник со почеток од 20:45 часот на Ноу Камп.