Холандскиот напаѓач Робин ван Перси во четвртокот пристигна во Манчестер на задолжителните медицински прегледи и доцна вечерта требаше да го комплетира трансферот на Олд Трафорд. Во Арсенал тагуваат за загубата, а во Јунајтед се радуваат на новото засилување на екипата која треба да го врати шампионскиот трофеј во Манчестер. Тренерот Алекс Фергусон очекува на натпреварот од првото коло во новата сезона против Евертон да настапи со Ван Перси во нападот.
"Се е договорено и ние сме задоволни од тоа. Тој треба уште да ги заврши медицинските прегледи и да стане наш член. Искрено, се надевам дека ќе биде во составот за натпреварот во понеделник", изјави шкотскиот менаџер кој продолжи со комплименти за фудбалерот.
"Убаво е да се има квалитетен фудбалер како Ван Перси во составот. Тој заедно со Руни и останатите напаѓачи (Хернандез и Велбек) ќе бидат фантастични во новата сезона", оптимист е Ферги.