Раководните лица на ФК Пелистер ќе побараат од органите на ФФМ суспензија на теренот на "Националната Арена Филип Втори''.
Првите луѓе на битолскиот клуб, според соопштението испратено до медиумите, се видно разочарани и нервозни поради поразот од Вардар во Скопје, но најмногу поради лошата организација на натпреварот.
Освен фудбалерите, на зелениот терен продефилираа и најверните фанови на Вардар, "комитите'' кои сакаа физички да се пресметаат со "чкембарите'', а еден фудбалер Пелистер имаше физичка пресметка со навивачот на Вардар кој се обиде да украде едно знаме од трибината на која беа "чкембарите''.