Иако многу медиуми го преселија Карлос Тевез во редовите на Јувентус, во Манчестер Сити имаат поинакво размислување и надеж дека со негово упатување во Милан ќе можат да го добијат главниот фудбалер на „росонерите“, Стефан Ел Шарави.
„Фараонот“ е еден од најдобрите млади фудбалери во светот во моментов и е посакуван од голем број на тимови. Сепак, во Милан не беа премногу расположени за да се разделат од него. Дали сумата од 25 милиони евра надополнета со Карлос Тевез ќе биде доволна во Милан да се решат на разделба со Ел Шарави е тешко да се каже, но доколку се верува на вчерашните вести преговорите се веќе почнати.
Информациите кои ги носи „Газета Дело Спорт“ велат дека во Милан се решени да го пуштат Ел Шарави за сума од 40 милиони евра. Таа сума се остварува со Тевез и 25 милиони евра. „Росонерите“ добиваат солидна сума на пари и играч со големо искуство, које е и квалитетен напаѓач.
Сепак, не е сè така позитивно за Милан. При ваков трансфер тимот од Италија ќе загуби во младоста на тимот односно ќе остане без играч пред кого е иднината, а ќе добие фудбалер кој е веќе во својот зенит. Покрај тоа ќе добие и играч со многу висока плата. Тевез бара 8,5 милиони евра годишно, а во Милан има правило максималната плата да биде 4 милиони евра плус еден милион бонус при триумф во Лигата на шампионите.