В.Д. селекторот на македонската фудбалска репрезентација Зоран Стратев најавува офанзивна игра и освојување на бодовите на двата последни квалификациски натпревари за Мундијалот во Бразил идната година.
- Имаме капацитет да одиграме офанзивно и да се бориме за бодовите на двете средби. Квалитетот е неспорен, желбата за позитивни резултати е присутна и меѓу фудбалерите и видлива на тренинзите кои се одработуваат во позитивна атмосфера, изјави Стратев и додаде дека задоволен ќе биде и со освојување на четири од можните шест бодови.
В.Д. селекторот проблемот во составот со откажувањето на Тричковски ќе го реши со поместување на капитенот Горан Пандев нешто поофанзивно, имајќи ги во предвид одличните настапи на таа позиција во неговиот клуб Наполи.
Македонија на 11 октомври гостува кај Велс во Кардиф, а четири дена подоцна исто така на гостински терен во Јагодина ќе го заврши квалификацискиот циклус со дуелот против Србија.