Капитенот на Рома, Франческо Тоти, ќе паузира најмалку две недели поради повредата здобиена на дерби дуелот против Наполи. Тоти го повреди бутниот мускул на десната нога по што мораше да биде заменет уште пред крајот на првото полувреме. По лекарските прегледи било утврдено дека Тоти во наредните 10-тина дена ќе мора да мирува, а дури потоа ќе може да се врати во тренажен процес.
Со сигурност „Принцот од Рим“ ќе ги пропушти дуелите од Серија А против Удинезе и Киево, додека во зависност од неговата подготвеност може да се врати за средбата против Торино или Сасуоло. Тоти сезонава одигра 8 меча и даде три погодоци.
Рома сезонава игра перфектно. „Волчицата“ останува единствен тим во најдобрите пет лиги во Европа со максимален учинок. По досегашните 8 меча, тимот собра 24 поени. Доколку слави на следниот меч против Удинезе, Рома ќе го израмни рекордот на Јувентус за најдобар старт во првенството. Актуелниот рекорд го држи Јувентус од сезоната 2005/06 година.