Ветеранот во Јувентус, Андреа Пирло и младиот Пол Погба со прекрасни голови во второто полувреме придонесоа за победата на Старата дама над Наполи со која Јувентус се доближи на само 1 бод до лидерот Рома.
Пирло во 70-та минута од слободен удар го совлада голманот на Наполи, Пепе Реина, а Пол Погба во 80-те минута со прекрасен гол од волеј зголеми на 3-0.
Претходно уште во 2-та минута летното засилување за Јувентус, Фернандо Љоренте го отвори резултатот рано во натпреварот а со тој резултат заврши дерби натпреварот на колото во Серија одигран на Јувентус стадионот во Торино.
Фиорентина со резултат 2-1 ја победи Сампдорија, а Сасуоло на Олимпико во Рим ја изненади Рома и римската волчица“ го забележа вториот последователен нерешен резултатот. Рома-Сасуоло по 90-те минути гласеше 1-1.