Во последниот натпревар од 13.коло на шпанската Примера Дивизија, синоќа во Севиља лидерот Барселона со убедливи 4:1 го совлада Бетис, но како што јавуваат шпанските медиуми на подолго време го загуби Лионел Меси.
Аргентинецот во првото полувреме го напушти теренот жалејќи се на болки во бутниот мускул и според последните информации тој ќе мора да отсуствува подолго време од фудбалските терени доколку не сака да го ризикува својот настап на Мундијалот следната година.
Победата на Каталонците ја обезбедија Нејмар, Педро и Цеск Фабрегас кој погоди двапати, додека единствениот гол за домаќините го постигна Жоргe Молина од пенал во последната минута од натпреварот.
На другите дуели од овој круг постигнати се следниве резултати Виљареал - Атлетико Мадрид 1:1, Валенсија - Ваљадолид 2:2, Еспањол - Севиља 1:3, Селта Виго - Рајо Ваљекано, Атлетик - Леванте 2:1, Хетафе - Елче 1:1, Реал Мадрид - Сосиедад 5:1, Гранада - Малага 3:1 и Осасуна - Алмерија 0:1.
Табела: Барселона 37 бодови, Атлетико Мадрид 34, Реал Мадрид 31, Виљареал 24, Атлетик Билбао 23, Хетафе 20,...