Македонскиот интернационалец, Давид Бабунски, на својот Facebook профил објави фотографија на која позира со својот помлад брат Доријан, двајцата облечени во официјалните униформи на селекцијата на Македонија за играчи до 21 година.
Над фотографијата тој напиша дека двајцата заедно со остатокот од селекцијата се одмараат во хотел, а за цимер во хотелската соба го добил својот брат.
Фудбалската селекција на Македонија за играчи до 21 година ја очекуваат 2 квалификациони натпревари за пласман на ЕП во Чешка 2015-та година.
Најпрво против Азербејџан во петок во Скопје, а потоа против Норвешка исто така во Скопје.