Фудбалерот на Ливерпул, Луис Суарез имаше одлична вечер на Енфилд. Уругваецот постигна 4 гола во победата на Ливерпул над Норич од 5-1, вклучувајќи го и првиот со прекрасен волеј удар од над 20 метри оддалеченост.
Суарез со одличниот гол во 15-та минута го отвори резултатот за „црвените“ а до 35-та веќе постигна хет трик за солидна предност на Ливерпул. Голеадата на Суарез продолжи и во второто полувреме кога во 74-та минута го постигна својот четврт и последен гол на натпреварот, а петтиот за Ливерпул беше дело на Даниел Стуриџ во 88-та минута.
Почесниот гол за Нориџ беше дело на Бредли Џонсон во 83-та минута кога го намали резултатот на 4-1.
Челзи одигра трилер натпревар на гостински терен кој заврши со дури 7 постигнати гола и победа на „сините“ од 4-3 на „Стадионот на светлината“, а Манчестер Сити со 3-2 исто така минимално славеше на гостински терен против Вест Бромвич Албион.
Манчстер Јунајтед на Олд Трафорд минимално загуби од Евертон екс тимот на менаџерот Дејвид Мојс, а единствениот гол на натпреварот беше дело на Брајан Овеидо во 86-та минута.