Директорот на Фудбалската репрезентација на Македонија, Петар Милошевски загина во сообраќајна несреќа што се случи синоќа во 23:35 часот на магистралниот пат Крива Паланка - Куманово кај клучката во населбата Карпош.
Во несреќата се повредени претседателот на Фудбалската федерација на Македонија Илчо Ѓорѓиоски и уште две лица - З.З. (1980) и Р.И. (1990).
Според сознанијата на полицијата, возилотото „Пежо“ со кое управувал Ѓорѓиоски се судрило со комбе управувано од Ж.Б. (1952) од кумановското село Малитино, кој исто така е повреден во несреќата.
Сите повредени се пренесени во Клиничкиот центар во Скопје.
Петар Милошевски беше поранешен голман на македонската репрезентација и на неколку странски клубови како Трабзонспор, Малатијаспор, Себатспор, Енозис, а бранеше во Пелистер и во Вардар.