Селекцијата на Грција синоќа во осмина-финалето беше елиминирана од изненадувањето на Мундијалот во Бразил, селекцијата на Коста Рика по изведувањето на пенал серија.
Брајан Руиз во 58-та минута од натпреварот ја доведе Коста Рика во водство, но Грција во судиското продолжение успеа да израмни на 1-1 преку Сократис Папастополус. Коста Рика од 66-та минута го играше натпреварот без Оскар Дуарте кој доби црвен картон, а по продолженијата (2 пати по 15 минути) следеа пеналите во кои Теофанис Гекас не успеа да реализира за Грција. Резултатот по пренал рулетот гласеше 5-3 за Коста Рика
Коста Рика во четврт-финалето ќе си ги одмери силите со селекцијата на Холандија, која веќе го порази Мексико со пресврт и резултат 2-1.
Но, што напишаа дел од светските (и домашните грчки) медиуми за елиминацијата на Грција од Мундијалот во Бразил?