Италијанскиот репрезентативец и член на Милан, Марио Балотели повторно е интересен на трансфер пазарот. Според најавите, следната дестинација на напаѓачот може да биде англискиот премиерлигаш Арсенал.
Шпекулациите велат дека „топчиите“ се подготвени да платат оштета од 20 милиони евра за Балотели. Покрај тоа, доколку го облече дресот на Арсенал, Балотели ќе добива и годишно по 10 милиони евра. Тоа е двојно поголема плата од тоа што сега го добива во Милан.
Сепак од таборот на „росонерите“ најавуваат дека се подготвени по секоја цена да го задржат Супер Марио. Дури му понудиле да ја добие капитенската лента која засега ја носи Рикардо Монтоливо.