За трансферот на Џејмс Родригес во Реал Мадрид, Монако ќе заработи 88 милиони евра, објавија денеска шпанските медиуми кои тврдат дека двата клуба постигнале договор.
Колумбискиот фудбалер на овој начин постанува трет најскап фудбалер во светот, веднаш зад Кристијано Роналдо и Герет Бејл.
Официјализирање на трансферот на Родригез на „Сантијаго Бернабеу“ се очекува денеска.
Во Реал покрај колумбискиот репрезентативец летово доаѓа и Тони Крос од Баерн Минхен, а се најавува засилување и со Радамел Фалкао, сонародник на Родригез.