На првиот дуел од турнејата во Соединетите Американски Држави, фудбалерите на Манчестер Јунајтед утрово го совладаа Лос Анџелес Галакси со 7:0.
Головите за англискиот тим ги постигнаа: Дени Велбек (13.минута), Вејн Руни (43. и 45. од пенал), Рис Џејмс (62. и 84.) и Ешли Јанг (88. и 90.).
Натпреварот се одигра во Пасадена пред 86 илјади гледачи.
Првите коментари за убедливата победа на Манчестер во светските медиуми се дека новиот тренер Луј Ван Гал за само десетина дена работа со клубот успеал да внесе многу новини и дека е на добар пат за враќање на старите патеки на поранешниот англиски и европски шампион.
Следниот натпревар на „црвените ѓаволи“ е в сабота со Рома, три дена подоцна игра против Интер, а следната сабота ќе се сретне со Реал Мадрид.
