Италијанскиот фудбалски стручњак Фабио Капело останува на селекторската функција во руската репрезентација и покрај раната елиминацијата на Мундијалот во Бразил.
Ова денеска го потврди самиот Капело кој за локалните медиуми изјави дека имал успешни преговори со раководството на Рускиот фудбалски сојуз.
Капело има актуелен договор со РФС до завршувањето на Светското првенство 2018 година кое треба да се одржи токму во Русија.
При евентуален предвремен прекин на договорот од страна на Русите, на 68-годишниот Италијанец ќе треба да му бидат исплатени 25 милиони евра оштета.