Францускиот интернационалец во редовите на Реал Мадрид, Карим Бензема нема да ја менува средината и ќе остане дел од екипата и во следните неколку години.
Според вестите кои се објавени во медиумите од Шпанија договорот ќе биде на четири години, а Бензема ќе добие поголема плата. Досегашните 4,5 милиони евра годишно ќе се зголемат на 7 милиони евра.
Иако за него постоеше заинтересираност од неколку екипи со ова очигледно се става крај на нивните желби, а најверојатно ова е потврда дека нема да има ништо и од трансферот на Фалкао.