Ако италијанските медиуми ја квалификуваат конекцијата со Горан Пандев и Милан која е воспоставена во последните 24 часа како не само шпекулација туку сериозна иформација тогаш станува јасно дека нашиот најдобар фудбалер во моментов е многу блиску до преселба во таборот на „росонерите“. Милан, односно првиот оперативец Галијани, како и тренерот Инзаги сериозно размислуваат за засилување во навалните редови, а изборот очигледно паднал на нашиот интернационалец. Милан во моментов не е во најсјајна финансиска ситуација па доколку сака да го обезбеди Пандев ќе мора сериозно да поработи на обезбедување на средства.
Наполи во монентов бара седум милиони ерва одштета за Пандев, а тој има договор до 2015 година. За струмичанецот да пристигне во Милано, потребно е да се подмират неговите барања, а тоа секако е потпис на договор во времетраење од три години. Тоа е условот на Пандев кој со оглед на неговите 31 година во моментов цели на уште еден солиден договор.
Како што е добро познато, Пандев своевремено беше дел од лутиот градски ривал на Милан, екипата на Интер со која ги оствари најголемите успеси во кариерата на клупски план. Летово околу неговата иднина се вртеа многу приказни, но очигледно оваа е најреалната и најверојатната.