Летното засилување на Челзи, Диего Кошта го имаше дебито од соништата во Премиер лигата, на последниот натпревар од првото коло од новата сезона.
Челзи на гостински терен синоќа се соочија со Барнли, новајлиите во Премиер лигата уште во првото коло, а Барнли дури успеа да дојдае до рано водство преку Скот Ефрилд и неговиот гол во 14-та минута.
Кошта израмни на 1-1 по само три минути, но Андре Шурле успеа да погоди во 21-та минута за пресврт и водство од 2-1 на Челзи на гостински терен. Бранислав Ивановиќ во 34-та минута зголеми на 3-1 за тимот на Жозе Мурињо и тоа беше резултатот со кој се замина во соблекувалните на полувремето, но и кој остана до крајот на натпреварот.
Свој кам бек на англиско тло имше и Цеск Фабрегас, кој беше прогласен за играч на натпреварот, против Барнли, додека пак Мурињо се одлучи да го започне натпреварот со Тибо Куртоа на голот, наместо со стандардниот голман Петр Чех.
Со победата од 3-1 на гостински терен, Челзи се искачи на врвот на табелата во Премиер лигата, пред Манчестер Сити, Ливерпул и Арсенал.