И натаму трае „сагата“ на Горан Пандев околу неговиот трансфер во Милан. Фудбалерот на Наполи е најблиску до преселба на „Сан Сиро“, а тренерот Филипо Инзаги веќе го планира во составот. Кај стратегот на „црвено-црните“, Пандев би играл на левата страна, онаму каде што трофејниот италијански тим во моментов е „најтенок“. Македонецот би требало во наредните неколку дена да го комплетира трансферот во Милан и да биде единствениот наш играч кој настапувал за двата големи милански екипи.
ПЛАТА ОД 1,5 МИЛИОНИ ЕВРА ГОДИШНО
Милан му нуди на Пандев двегодишен договор и заработка од 1,5 милиони евра за една година. Сепак, она што го „мачи“ самиот играч, а што го потврди и за „Македонски спорт“ е тоа што нему не му одговара. Сегашната плата на Пандев во Наполи изнесува 2,5 милиони евра, што е за милион повеќе од она што го нуди Милан. Токму од тука и натаму траат преговорите околу неговиот трансфер во славниот милански тим.