Продолжува сагата околу новиот клуб на Горан Пандев. Нашиот најдобар фудбалер сега го поврзуваат со Атлетико Мадрид. Имено, стратегот на шпанскиот шампион Диего Симеоне, барем така пишуваат тамошните медиуми, но и некои европски што се специјализани со трансферите на најголемите клубови, во пакет сакал да ги донесе Горан Пандев и Џердан Шаќири, напаѓачот на Баерн Минхен.
Уште се пишува дека најдобра опција, но и реална исто така е овие двајца да го засилат нападот на Симеоне, кој да потсетиме дека по заминувањето на Диего Коста и Давид Виља, успеа да ги ангажира Гризман и Манџукиќ, но тој смета дека со Пандев плус и евентуално Шаќири, ќе има и тоа како одличен напад како во минатата сезона кога во шампионатот во Примера успеа да ја освои титулата и тоа пред Реал Мадрид и Барселона. Инаку, што се однесува до Пандев, тој, сепак, е најблиску до трансфер од Наполи во Милан.