Македонскиот интернационалец во дресот на шпанскиот лигаш Гранада, Столе Димитриевски синоќа го имаше своето деби во најсилната шпанска лига – Примера. Неговата екипа постигна победа во првото коло совладувајќи ја екипата на Депоертиво со 2:1.
Инаку, Димитриевски е голман на репрезентацијата на Македонија до 21 година.
На другите три натпревари одиграни синоќа беа постигнати следниве резултати: Алмерија – Еспањол 1:1, Севиља – Валенсија 1:1 и Малага – Атлетико Билбао 1:0.
Вечерва се играат четири дуели: Еибар – Реал Сосиедад, Барселона – Елче, Селта – Хетафе и Леванте – Виљареал.
Колото ќе биде комплетирано во понеделник со натпреварите: Реал Мадрид – Кордоба и Рајо Ваљекано – Атлетико Мадрид.