Тренерот на Атлетико Диего Симеоне е суспендиран на вкупно осум мечеви поради неспортското однесување на дуелот против Реал Мадрид во Суперкупот на Шпанија. Стратегот на „јорганџиите“ напристојно реагираше на судиските одлуки на реваншот кој се играше на „Висенте Калдерон“.
Четири меча суспензија доби поради удирањето по глава на четвртиот судија поради што заработи и исклучување. Два меча е казнет поради протестите на судиските одлуки, додека по еден меч казна доби поради саркастичното аплаудирање на судиските одлуки на судиите и поради одбивањето да го напушти стадионот. Симеоне мечот го изгледа од трибините.