Сами Кедира фудбалерот на мадридски Реал, од јануари 2015 година ќе биде нов член на лондонски Арсенал.
Според англиските медиуми, во претстојниот зимски преоден рок, Германецот Кедира кој и во текот на летниот преоден рок беше цел на Арсенал, дефинитивно во јануари 2015 година ќе ги засили редовите на „Топџиите“.
Неофицијално трансферот на Кедира од Реал во Арсенал ќе го чини англискиот клуб 14 милиони евра.
Раководството на Реал се согласи да го реализира овој трансфер имајќи в предвид дека на Германецот следното лето му истекува договорот со „Кралскиот тим“ во чии редови Кедира дојде 2010 година од Штутгарт.
Кедира за Реал досега има одиграно 146 натпревари на кои постигна 9 голови, тим со кој минатата сезона триумфираше во Лигата на шампиони. Со репрезентацијата на Германија ја освои титулата Светски шампион на Мундијалот во Бразил, па со тоа Кедира стана вториот фудбалер по Французинот Кристијан Карембу кому летото 1998 година му успеало да го освои два најзначајни трофеи на клупско и репрезентативно ниво.