Агим Ибраими и неговиот тим Марибор, денеска го играат вториот натпревар од годинешната Лига на Шампиони, овојпат против германскиот тим на Шалке. Марибор се наоѓа во групата Г заедно уште со екипите на Спортинг од Лисабон и англискиот гигант Челзи. Ибраими и неговите соиграчи патуваат во Гелзенкирхен по повлен резултат, кој би бил втор по ремито 1:1 на домашен терен против португалскиот состав.
Ибраими е единтвениот македонски фудбалер кој сезонава е дел од најјелитното клубско фудбалско натпреварување во Европа и целата македонска фудбалска јавност потајно се надева дека токму тој и неговиот Марибор ќе бидат едно од изненадувањата оваа сезона. Се наоѓаат во многу тешка група но доколку Марибор одигра како на првиот меч на домашен терен кога одлично се држеше против големиот фаворит Спортинг тогаш не треба да изненади ако и вечерва словенците „откина“ бод и на Велтинс Арената во Гелзенкирхен.