Фудбалерите на Лацио синоќа на последниот дуел од 5.коло од Серија А постигнаа убедлива победа над Палермо со 4:0 на гости, а јунак на натпреварот беше Филип Ѓорѓевиќ кој постигна хет трик.
Серијата голови Ѓорѓевиќ ја почна во 45.минута, а потоа продолжи и мрежата ја погоди и во 75.минута и 83.минута. Последниот гол за „лацијалите“ го постигна Марко Пароло во 90+3 минута.
Лацио по двата пораза ја оствари втората победа и со шест бодови е на 9.место на табелата.
Палермо по поразот остана на три бодови на претпоследното место, колку што имаат Емполи, Парма и Сасуоло.
На вториот натпревар одигран синоќа Удинезе ја победи Парма со 4:2, а два гола за домашниот тим постигна Антонио Ди Натале.
Во редовите на Парма на клупата остана македонскиот репрезентативец Стефан Ристовски.
Табела: Јувентус 15 бодови, Рома 15, Удинезе 12, Сампдорија 11,...