Големиот Зинедин Зидан требаше да дојде во Македонија за да го следи настапот на неговиот син Енцо Зидан во квалификациите за француската репрезентација до 19 години. Меѓутоа, Енцо не се најде на списокот поради повреда, па така неговиот татко го откажа билетот за доаѓање во Скопје. Еден од најголемите играчи на сите времиња нема да го гледаме во нашиот главен град, кој требаше да дојде по вторпат откако еднаш беше со Бордо во рамките од Купот на УЕФА против скопски Вардар.
Селекторот на Франција, Патрик Гонфалон, нема да смета на Зидан, кој е на листата на повредени. Инаку, Зидан јуниор оваа година прифати да игра за Франција, откако играше за помладите селекции на Шпанија. Успеаја да го премислат и да ја прифати понудата да игра за земјата за која играше неговиот татко, меѓутоа Шпанија не се предава и сигурно дека ќе ја искористи секоја шанса повторно да го врати во националниот тим.
Енцо Зидан има 19 години и е член на вториот тим на Реал Мадрид.