Италијанскиот шампион, Јувентус славеше над тимот на Рома во дерби натпреварот од 6-то коло во италијанската Серија А со резултат 3-2.
Во возбудливиот натпревар на Јувентус стадионот во Торино, 3 од 5-те гола беа постигнати од пенали (два за Јувентус, а еден за Рома), а главниот судија на натпреварот додели и два црвени картони. Синоќа во Торино, поцрвенеа Алваро Мората кај „Старата дама“ и Костантинос Манолас кај „волчицата“.
Карлос Тевез погоди од белата точка во 27-та минута, а капитенот на Рома, Франческо Тоти израмни во 32-та. Хуан Мануел Итурбе им донесе водство на гостите од Рим, но Карлос Тевез повторно од белата точка погоди, овој пат за резултат 2-2.
Во второто полувреме Леонардо Бонучи со погодок од околу 20 метри далечина погоди за конечните 3-2 во Торино. По натпреварот на Јувентус стадионот, шампионот остана на врвот на табелата со 18 освоени бода, 3 помалку од Рома.
Но, што напишаа светските медиуми за овој натпревар?
Погледнете.