Квалификацискиот натпревар помеѓу Србија и Албанија кој се одигра синоќа во Белград беше прекинат кон крајот на првото полувреме на Партизан стадионот.
Нередите на теренот и на трибините настанаа по забележувањето на дронот кој леташе над стадионот со знамето на „голема Албанија“, а по обидот тој да биде отстранет од репрезентативците на Србија, настана тепачка со противничките фудбалери на самиот терен.
И покрај тоа што првично се сметаше дека натпреварот ќе продолжи по прекинот, тој беше целосно напуштен од страна на делегатот, судиите, играчите и публиката.
Натпреварот помеѓу Србија и Албанија веќе беше прогласен за високо-ризичен натпревар од квалификациите за пласман на ЕП во Франција 2016-та година.
