Играчот за врска на Реал Мадрид Сами Кедира со сигурност ќе го напушти европскиот првак во зимскиот преоден рок, а следна негова дестинација би требало да биде Челзи. Германецот не успеа да се договори со раководството на Реал околу новиот договор, па Шпанците ќе го стават на трансферната листа за да земат пари од него.
Фаворит за неговиот потпис е Челзи. Менаџерот Жозе Мурињо го познава Кедира од времето кога работеше на Сантијаго Бернабе и сака да го донесе на Стемфорд Бриџ. „Сините“ се надеваат дека ќе го добијат за 10 милиони фунти. Кедира исто така добил совети за преселба во Челзи и од тренерот на Реал Карло Анчелоти. Арсенал е другиот тим заинтересиран за него.