Личниот менаџер на голманот на Челзи Петр Чех, најави заминување на неговиот клиент од тимот на Челзи.
- Петр дефинитивно не е задоволен од статусот во Челзи. Тој нема намера да седи на клупата за резерви и да биде втор голман. Ќе го напушти клубот. Во скоро време почнуваме преговори со врвни европски екипи заинтересирани за неговите услуги, изјави Виктор Колар менаџерот на чешкиот репрезентативен голман.
Според Колар, постојат неколку опции за иднината на Чех. Заинтересирани за негов ангажман се Рома, Реал Мадрид, а веќе се најавени разговори со премиерлигашите Манчестер Јунајтед и Ливерпул.
32-годишниот Чех првотимскиот статус во Челзи го изгуби по доаѓањето на Тибо Куртоа кој беше на позајмица во Атлетико Мадрид.