Првата ѕвезда на Реал Мадрид, Кристијано Роналдо посочува дека неговиот тим има еден ден помалку за одмор од Барселона, а тоа е многу значајно пред толку важни средби. Реал во средата играше во Лигата на шампионите на гости кај Ливерпул, додека Барселона својот меч од ова натпреварување го одигра во вторникот.
„Секој професионалец знае дека не е исто дали пред некој важен меч ќе одмораш два или три дена. Не можам да разберам како може да го стават мечот да се игра во сабота, а не во недела. Сепак, тоа е најважниот меч. И покрај тоа верувам дека ќе стигнеме до победата“, рече Роналдо.