Фудбалската федерација на Македонија ги пушти во продажба билетите за натпреварот со Словачка што „црвено-жолтите“ треба да го одиграат на 15 ноември на „Филип Втори“ во Скопје.
Цената на билетите се движи од 100 до 500 денари во зависност од местото и трибината. За централните делови на Јужната и на Северната трибина цените се 500 денари, а за овие две трибини има билети и од 150, 250 и 400 (Северна) односно 150, 200 и 300 (Јужна). За билет за Западната трибина навивачите ќе треба да одвојат 1000 денари, додека „Истокот“ не е на продажба и се чува за гостински навивачи.
Билетите може да се набават во продажните места на ОНЕ, МКтикетс како и Југотон.