Тренерот на Реал Мадрид, Карло Анчелоти, изјави дека наградата за најдобар фудбалер во 2014 година дефинитивно најмногу ја заслужува Кристијано Роналдо. ФИФА го објави списокот од 23 играчи кои влегоа во борба за најзначајната индивидуална награда, а првиот човек во светскиот фудбал Сеп Блатер, како свој фаворит го кажа голманот Мануел Нојер. Според Блатер, Нојер ја заслужува наградата поради тоа што стана светски првак со Германија, а со Баерн Минхен ја освои двојната круна во Германија. Анчелоти воопшто не се согласува со Блатер.
„Ме изненади изјавата на Блатер. Очигледно е дека тој не може да молчи. Оваа награда треба да ја освои фудбалерот кој играл најконстантно и во врвно ниво во текот на целата година. секако тоа е Роналдо“, рече Анчелоти.
Португалецот во 2014 година се израдува на титулата во Лигата на шампионите, но затоа разочара на Мундијалот во Бразил, а неговиот Реал заврши на третото место во шпанската Примера.