Предводени од Нејмар, фудбалерите на Бразил забележаа рутинска победа синоќа на гостувањето во Истанбул против Турција со 4:0. Ѕвездата на Барселона ја започна и ја заврши серијата на „кариоките“ кои не му дозволија на противникот да се понадева на позитивен исход.
Успешна вечер имаше уште една репрезентација од Јужна Америка. Светскиот вицепрвак Аргентина забележа победа над Хрватска со 2:1, иако на полувреме „коцкестите“ водеа со 1:0.
На „Амстердам Арена“ ефикасен натпревар одиграа домашната селекција на Холандија и Мексико. Победата со резултат 3:2 им припадна на Мексиканците.
Пријателски натпревари во текот на вчерашниот ден одиграа уште и сениорските репрезентации на: Малезија – Сирија 0:3, Норвешка – Естонија 0:1 и Белгија – Исланд 3:1.